My Urdu Song: Ode To Kansas City

Ode To Kansas City(c) 2006 Ahmed Arsalan
by A. Arsalan

Jahannum see jaga
Tarraptee hai zabaan
Dehekta aasmaan
Sukoon ka ab naheen nishaan

Paseena hai ravaan
Thama hai kaarvaan
Koi, naheen yahaan
Karra yay imtehaan

[CHORUS begin]
Mujh ko bhee, jeena hai
Kuchh kar sakta naheen
Datna hai, larrna hai
Kay mar sakta naheen

Aajaaey, ga mujh ko
Thehraana apnay dil ko
Maqsad jo, zindagi ka
Karna hoga poora
[CHORUS end]

Mohabbat kee talaash
Liyay yaadoan ki laash
Karoon mein wo hee kaash
Jo meray dil kee hai aavaaz

Usee doraahai pay
Kharra hoon jo mujhay
Isee sannaatay mein
Kuchh kehta hua lagay

[Repeat CHORUS X 2]

My Urdu Song: Koi Bhee Na Jaanay

Koi Bhee Na Jaanay(c) 2006 Ahmed Arsalan
by A. Arsalan

Dil mein chhupee
Aahoan mein
Tanhai ki
Raahoan mein
Tum gum huay jab
Andheroan mein
Mein jee raha hoon
Baigaanoan mein

[CHORUS Begin]
Koi bhee, na jaanay
Meray dil mein kyaa hai
Khamoshi, sannaata
Raahoan mein parra hai

Aur dil kee, gehraaiyoan mein
Ek chehra hai, kay basa hua hai
[CHORUS End]

Sochoan mein
Aaj kyun vo
Dil mein kyun
Halchal ho
Mushkiloan
Ka koi hal ho
Chein naheen
Jab say dekha usko

[Repeat CHORUS X 2]

Singing My Song: Koi Bhee Na Jaanay (First Attempt)

Playing: Koi Bhee Na Jaanay